KHUNS.mn

Хуйцаа бол маш амттай, онцгой хоол.  Орост хуйцааг “Монгол солянка” ч гэж нэрлэдэг юм байна. Учир нь хоол хийх үйл явц нь адилхан учраас тэр аж.  Бэлтгэхэд цаг их ордог хэдий ч…

Бэлтгэх хугацаа: 2 цаг 15 минут

Порц: 10 хүнд хүрэлцэхээр 

Калор: 193 kCal

Бэлтгэх арга 

-Хонины ястай мах, сүүлний өөхөө саванд хийж, 3 литр усаа нэмээд буцалгана. Буцалсны дараа нэтгэлийг нь аваад, 1 цаг 30 минут буцалгана. 

-Машиндсан маханд 100 гр жижиглэсэн сонгино, 3 хумс сармис, өндөг, гурил, давс, хар перц нэмээд сайтар базаж, хутгана. Түүний дараа махаа бөмбөлөг болгож бөөрөнхийлнө. Бөөрөнхий махаа 180 градус хүртэл халаасан цахилгаан зууханд шарна.  Алтан шаргал болтол нь 20 минут байлгах ёстой. 

-Хайруулын тавганд ургамлын тосоо хийж, 160-170 градус хүртэл халаана.  Хэрчсэн төмсөө болтол нь шарна.  Болсон төмсөө гаргаж авна. 

-Дараа нь манжин, лууван, сонгиноо ч адил болтол нь шараад, саванд гаргаж авна. 

-Дараа нь илүүдэл тосыг авч, бага зэргийн тосонд лаврын навч, сармисаа 1 минут хуурна. 

-Лаврын навч, саримс дээрээсээ жижиглэж нимгэлж хэрчсэн хонины махаа нэмж, дунд зэргийн галаар 5 минут хуурна. 

-Дараа нь хар перец, давс, соевый соусаа хийж, 2 минут буцалгана.

-Жижиглэсэн байцаагаа махан дээрээ нэмээд, дунд зэргийн галаар 3 минут буцалгана. 

-Дараа нь бэлэн болсон шөлөө мах, ногоон дээрээсээ нэмж хийгээд, 10 минут буцалгана. 

-Пүнтүүзээ усанд 3 минут буцалгаад гаргаж авч, хүйтэн усанд сойно.

-Мөн шөлөн дээрээсээ хуурч болгосон сонгино, манжин, лууванг нэмж буцалгана. 

-Дараа нь бөөрөнхий мах, шарсан төмс, пүнтүүзээ нэмнэ. 

-Түүний дараа яншуй, хэрчсэн ногоон сонгино, таана, давс, халуун чинжүүгээ нэмээд, хуйцаа бэлэн болно.