KHUNS.mn

Японд хамгийн түгээмэл байдаг хоол бол териаки соустай, тахианы махтай удон гоймон юм. Энэхүү жорыг сурснаар алдартай удон гоймонг Япон рестораныхтай адилхан амттайгаар гэртээ хийж идэх боломжтой.  

Бэлтгэх хугацаа: 25 минут 

Порц: 4 хүнд хүрэлцэхээр 

Калор:  148 kCal 

Удон гоймонг хийх арга

-Цагаан гаагаа жижиглэж хэрчинэ. 

-Тахианы цээж махаа нимгэн туузан хэлбэртэй хэрчиж, давс, перцеер амтална. Давс, перец нь амны жижиг халбаганы тал байна. Ингэж амтлах нь тахианы махыг илүү амттай болгодог. 

-Хайруулын тавгаа халааж, ургамлын тосоо хийгээд, цагаан гаагаа 1-2 минутын турш дунд зэргийн галаар хуурна. 

-Дараа нь туузан болгож хэрчсэн тахианы махаа нэмээд, 5 минутын турш дунд зэргийн галаар алтан шаргал болтол нь хуурна. 

-Сонгиноо жижиглэж хэрчээд, тахианы махан дээрээ нэмж, зөөлөвтөр галаар 2 минутын турш хуурна. 

-Лууванг нарийнхан хэрчиж, тахианы махан дээрээ нэмээд, дахин 2 минут зөөлөн галаар хуурна. 

-Удон гоймонг давс хийсэн усанд чанана. 

-Амтат чинжүүг туузан хэрчиж, тахианы махан дээрээ нэмээд, 1 минут дунд зэргийн галаар хуурна. 

-Түүний дараа сармис, халуун чинжүүгээ нэмээд, хутгана. 

-Соевый соус болон терияки соусаа нэмж, хутгана. 

-Давс, перецээ хийгээд, бага зэргийн ус хийж, 1 минутын турш буцалгана. 

-Болсон удон гоймонг хүйтэн усаар зайлж, шүүж авна.

-Тахианы махан дээрээ удон гоймонгоо нэмж, 1-2 минут зөөлөн галаар буцалгана.

-Бэлэн болсон удон гоймон дээрээ урт урт хэрчсэн ногоо сонгиноо нэмнэ. Ингээд удон гоймонтой, тахианы махтай хуурга бэлэн боллоо.